رواں سال صوبے میں ڈینگی کنٹرول کرنے کے لئے وزیر اعلی علی امین گنڈاپور کا بروقت اقدام۔ وزیر اعلیٰ کی متعلقہ حکام کو رواں سال کے لئے ایک جامع اور قابل عمل ڈینگی ایکشن پلان تیار کرنے کی ہدایت وزیر اعلیٰ سیکرٹریٹ سے چیف سیکرٹری خیبر پختونخوا کو اس سلسلے میں مراسلہ ارسال۔ تفصیلات کے مطابق گذشتہ چند برسوں میں ڈینگی بخار صحت عامہ کا ایک سنگین مسئلہ بن چکا ہے۔ اس کے مؤثر کنٹرول کے لیے تمام متعلقہ محکموں کی جانب سے پیشگی اور منظم اقدامات ناگزیر ہیں۔ڈینگی سیزن سے پہلے منظم اور مربوط اقدامات کے ذریعے ڈینگی کیسز کی تعداد میں نمایاں کمی واقع ہو سکتی ہے اس لئے آنے والے سیزن میں اس مسئلے سے موثر انداز میں نمٹنے کے لئے ابھی سے تمام حفاظتی اقدامات کئے جائیں اور اس مقصد کے لئے فوری طور پر ڈینگی ایکشن پلان 2025 تیار کیا جائے گا۔مذکورہ ایکشن پلان میں تمام متعلقہ محکموں کی طرف سے اقدامات اور سرگرمیوں کا شیڈول تیار کیا جائے گا۔شیڈول مییں حفاظتی، ترویجی اور علاج معالجے سے متعلق اقدامات واضح طور پر درج ہوں گے مزید پلان میں پورے سال کی انسداد ڈینگی سرگرمیوں کا مہینہ وار فریم ورک مرتب کیا جائے گا۔
No comments:
Post a Comment