ایک مورخ ایک ادیب

 محمد ساجد لاہور۔۔ایک مؤرخ,ایک ادیب

 تحریر فخرالزمان سرحدی ہری پور ۔پیارے قارئین!آج کا کالم ایسی ہستی کے نام جو سرزمین لاہور میں ایک متحرک اور کھوجی کے نام سےمعروف ہیں۔تاریخی اور ادبی خدمات اس قدر عظیم کہ جی چاہتا ہے کہ لاہور کے قصبہ کاہنہ کے عظیم نگینے محمد ساجد کے بارے میں ان کی تصانیف کی روشنی میں چند گذارشات سپرد قلم کروں۔یہ ایک مسلمہ حقیقت بھی ہے کہ ایک ماہر تعلیم چوہدری محمد امین سندھو ڈی ڈی او قصور نے اپنے خیالات میں زبردست کلمات کا اظہار کیا ہے۔وہ رقمطراز ہیں:۔

محمد ساجد دور حاضر کے بہترین قلم کار ہیں۔یہ ایسی شخصیت ہیں جن کا نام ادب کی مختلف اقسام تخلیق کرنے والوں میں شامل ہے۔موصوف کی تاریخ سے دلچسپی کہ انہوں نے کاہنہ کہانی کی تحریر لکھتے ایک کھوجی کی طرح اور ایک مؤرخ کی طرح تحقیقی کام کو مؤثر ,مدلل اور معتبر بنانے کے لیے جہاں پہلے سے لکھی جانے والی کتابوں اور تحریروں کا حوالہ دیتا ہے۔اس کے ساتھ ساتھ ان مقامات و تاریخی عمارتوں کو بچشم خود دیکھتا اور ان کی تاریخی اہمیت کو پرکھتا ہے۔محمد ساجد کا کاہنہ نو پر تحریر کیا جانے والا مقالہ قاری کو اس کا تاریخی و قدیمی قصبے سے متعلق معلومات فراہم کرتا ہے۔اور نۓ لکھاریوں کے لیے زاد راہ کی حیثیت رکھتا ہے۔(چوہدری محمد امین سندھو ۔۔ڈی ڈی او قصور)

موصوف کی ہردالعزیز شخصیت سے متعلق ایک اور تبصرہ نگار لکھتے ہیں۔محمد ساجد لاہور کے قصبے کاہنہ کا ایک نامور کھوجی ہے۔اس کی تحقیق کا دائرہ کار ویسے تو پاک وہند کی دھرتی ہے۔کاہنہ کہانی محمد ساجد کی دوسری تحقیقی تصنیف ہے۔کاہنہ کی بنیاد اس شہر کی تعمیر و تہذیب نیز مختلف شعبہ ہاۓ حیات کے اداروں کو پروان چڑھتا دیکھیں گے۔ان کی یہ کتاب پہلی تصنیف نائن الیون ,حقیقت سے اردو افسانے تک ,کی طرح محقیقین اور مطالعہ خواں لوگوں کو چونکا دے گی۔(حافظ محمد ادریس اسسٹینٹ ڈائریکٹر آفاق لاہور۔

موصوف محمد ساجد لاہور اپنی کتاب کاہنہ کہانی کے ابتداء میں ”اپنی بات“ کے عنوان سے لکھتے ہیں:۔

تاریخ سے دلچسپی میری گھٹی میں تھی۔جبھی تو بچپن سے جوانی تک کے تمام واقعات و حوادث مجھے تاریخ اور مکمل جزویات کے ساتھ یاد ہیں۔لاہور میں محبت موصوف کا ایک بہترین ناول ہے۔محمد ساجد ناول نگار کی حیثیت سے منفرد مقام رکھتے ہیں۔کتاب کا حرف محفوظ پڑھنے کے قابل ہے۔آغاز محبت کا تذکرہ خوبصورت کتاب کا آغاز ہے۔کالم نگار کی حیثیت سے ساجد محمود نے بلند مقام حاصل کر لیا ہے۔تاریخی کاوش میں تاریخ پانڈوکی ایک زبردست تصنیف ہے۔تاریخی جائزہ بڑی تفصیل سے لکھنا ان کے فن تحریر کا بہترین نمونہ ہے۔جاری ہے